Хала бег1тала мез дурх1нази  дуч1ахъулра.

Дунъяличир дахъал саниг1ятуназибад нуни муг1яллимла саниг1ят чеббик1ира.

Нуни, дубурлан ришт1ал рурсили, дила муг1яллимтала х1урмат бираси; наб гьанбирки ,ил-- дунъяличиб бег1лара х1урматла саниг1ят саби или. Шилизиб итх1ели радио бири,телевизор х1ебири.

Г1ур сабри нуни аргъибси, сецад къиян кабирхьули буилил илдани ил х1урмат сархес!

Кьисматли ну Къизларла районнизи дурарикахъира.Гьанна ишар 34 дус  х1еррирулра. Ну дила  кьисматличи разилира. Нушачиб Къизларла район урусунала райойзи буйг1ули хьалли,ишаб гьар - журала миллатла халкь х1ербирули саби. Илбагьандан ишаб халкьлис саби-ургаб нешла мезли ах1и,урус мезличил имц1али гъайбик1ес чевкъули саби.Дурх1нира кьакьализиб, школализиб саби-ургаб к1арахъантачил,урусуначил  урус мезли гъайбик1ар.

Гьамадлив ,гьат1и, илдази литературный мез дяркъяхъес,чула лугъатла мезли дебали камли гъайбик1ути дурх1нази?! Дунъяличир бегIлара дурхъаси неш риъни лебтанилра балули хьалли, нешла мез чула хъалибарглизир - булан багьлали хъумуртули сари. Вег1ла мезличи х1урмат агни дец1агеси сек1ал саби.

Амма сен-биалра дагьахъес г1яг1ниси саби .Камли ах1ен бег1ти-ургаб бик1утира,валлагь, илди мез чинаралра г1яг1нидиркути ах1ен, белч1удила заведениебазир илди къаршидиркули ах1ен бик1утира. Х1ера, илдачирад рех1рихьира  иргъахънила х1янчи дурабурк1ес:

Дарган мезла кьадриличила лекцияби дуч1ес, ихтилатуни дурадурк1ес,вег1ла нешла мез дигахъес г1яг1нили биъниличила, мисалти леркули, бирхаахъурра.

Дурх1нази дагьахъес гьат1ира къиянни уббухъун.

Гьайгьайра, дубуртазир, даргала районтазир илди дагьахъес илцад—дек1ар халаси къиян агара, дурх1нани чула бег1тала лугъатла мез далули диалли.

    Сегъунти далдуцуни дурадурк1ира нуни нешла мезличи диги адикьес?

1. Вег1личивад вех1ихьес г1яг1ниси саби. Дарган мезла учительли чедетаахъили дарган мезцун ах1и,урус мезра далес чебиркур,сенах1енну дурх1нани ,чули балукъи (хаслира чедирти классунани) урус мезлаизибад суал бедес асубирар,учитель ахтардиварес. «Ну нешла мезла учитель сайра»--или, х1унт1енх1ейэс багьандан.

 

2. Нешла мезла учительли дагъиста ва урусунала халкьла литература ункъли  далули виэс г1яг1нили сай;

3.Дагъиста халкьла культура,гьар—урла г1ядатуни,машгьурти шимачила  ва машгьурти адамтачила балес чебиркур;

 

4.Вег1ла бишт1ал Ват1ан(Дагъистан), дубурти, халкь  дигахъес, сунес илди дигули виъни дурх1нази багьахъес, илдачи пахрубирес.(патриотизм)

 

 5.Учительлис дарган мез дигахъес, дурх1начил дигичевли,малх1ямли гъайик1ес, г1яг1ниси мерличиб масхара бурес балес.

Дурх1ни олимпиадабачи х1ядурбирух1ели программализир агартира дахъал сек1айчи пикри бях1чииэс чебиркур, сочинениеби лук1ес ,чула пикри бархьли иргъахъес бурсибирес. Илбагьандан нушала школала буч1антани райойзир цаибти ва к1иибти мерани кайсу.Ириъ «Нешла мезанас -- к1иибил гьигь» бик1уси Республикала  конкурслизиб  дила ученицани 2 мер сархиб.(Муртазалиева Р.6 кл)

Дила пикрили,нешла мезла учитель виэс г1яг1ниси сай:

1. Г1ях1си режиссёрли: чис сегъуна роль балбикилил бедес ва иличил ил бяркъес..

2.Актерли: сен-сен дев бурусил,дях1ла кабиз,гъинч1бяхъни,т1ама, пашмандеш,тамашавиъни—лерилра чедиахъес ва дурх1начил руркъес,т1алабдирес.

 

3. Далайчили: миллатла далуйтачи диги адикьес ва илди сунени дурх1начил дуч1ес.

 

4. Психологли: илдала шикьат1ала гьалахили иргъес, илдас къиянх1ели кумекбарес,г1яг1них1ели лявбарес, бажардих1ели—гапбирес,азгъинх1ели-маймайбирес,чула чучи саби бирхахъес,илдала урк1и иргъес.

Нешла мезла учительла бек1либиубси масъала-дурх1нани дархьли ,аргъесли,саркъахъили чула пикруми дурни,гьамадли гъайбик1ни,бархьли лук1ни,диалогуни цаладирхъни, ч1янк1ли нешла мезличи хасти т1амри дархьли ирни.

Нуни дила х1янчи бех1бирхьис г1яг1ниси материал х1ядурбарили.Нешла мезла учительла кабинетлизир диэс чебиркур даари карточкаби,дидактикала х1язани,назмурти,багьираби,викторинала суалти,суратуни  ва ц.

Дурсрачир жура-журала х1язани дирес къайгъибирис.Дурсри анц1х1едукьунтили диахъес багьандан физминуткаби дурадурк1ис,хаслира дурх1нас «мукеки- мукеки» дигахъу.

Предложениеби ва дишт1ати хабурти цаладирхъех1е.

Дарган мезла слайдуни ва мультфильмаби чедиахъис

Предложениеби урус мезличи шурдалтех1е ва урус мезличирад дарган мезличи.

Имц1аливан журнал «Лачин» пайдалабирех1е ,суратуни чедиахъис.

   Нешла  мезличи диги адикьнилизиб халаси мер бурцули саби халкьла мух1лила пагьмули.Нушала школализиб гьар - урла  даргала  ва дагъиста секIултала музей леб. Илар хъабни, сукураби, сях1,шайт1ан- чирагъ ,някъла урхамти, бала дирхъуси дурега,дуруг  ва ц. ваях1 лер.Илди дурх1насцун ах1и, илдала бег1тасра тамашадилзули дирар. Илди някъбази дуцес,кьап1а,варгьи чегьес дурх1нас дигахъу, илдала урк1бази вег1ла ват1айчи, халкьличи ,мезличи пахру  хьурабирар.

 Дигеси г1ядатли бетаурли саби нушала школализиб гъар дус «Нешла мезла Барх1и» дурабурк1ни.Илар нушани жура-журала сценкаби чедиахъех1е,далуйти,делхъани дирар.

Сценкаби ахъси даражаличир детурхух1ели,бут1акьяндеш дарес лебтасалра дигахъу.Нунира ишгъуна шарт1 кабатурра: сценкализир бут1акьяндешдарес  «2» яра «3» агарли уч1ес г1яг1ниси саби. Ва лебтанилра г1ях1ти кьиматуни  касес  бажардибиру.

Гьачам нуни илди кьяйдурти дуунра: нушала школлализи бег1ти бех1емц1лизиб алхунси урши вак1иб.Ил имц1аливан лех1кахъилри,сегъуналра мез дагьес къайгъи дак1убирули ах1енри. Ва нуни гежбала роль (3 кл.)илис бедира. Агь,илала разидеш! Ишдус илини дарган мезла назмуртала конкурсличиб 1 мер сархиб!

Цацах1ели сагаси назму руркъух1ели,нуни дарсличиб назму далайван буч1ули рирус.Дурх1нанира илкьяйда белч1ес бажардибиру,.хаслира бех1бихьудла классуназиб.Ириъ ца уршила халанешли иб:

--Баркалла биаб х1ед!Нушани 6 дус цалра дарган гъай багьахъес х1едиубра,х1уни ца дусли далайик1ахъес бурсиварри!Дила уршила уршилис х1у дебали дигахъури!

Эгер чи-биалра дила буч1антазивад дарган мезла учитель, актер, далайчи ветаали, нуни пахрубарес рирус: юх,дила къиян дуг1ла ах1ен!

Галгала жагадеш дигахъуси саби мякьязибад. Миллатла «мякьи» - илди мез сари. Нешла мез ва миллатла культура мяхIкамдирни – гьарил  адамла рухIла культурала чараагарси чебла саби, ва челябкьлализир илди гIуррара чеахъдикIниличи ну рирхулра.   

         

Эссе 

Учу языку моих предков

На свете много разных профессий, но я выбрала профессию учителя. Мне, девочке-горянке, уважающей   своих учителей, казалось, что это- самая почетная  профессия на свете. Тогда в селе было только радио, телевизоров  не не было.

Со временем я поняла, сколько нужно вложить сил и энергии, чтобы добиться уважения и авторитета!

Судьба закинула меня в Кизлярский район. Здесь живу 34-й год. Я довольна своей судьбой.

Хотя у нас считают  Кизлярский  район русским, теперь здесь проживают люди  разных национальностей. Поэтому здесь все общаются между собой  на русском языке. И дети  на улице, в садике и в школе - на русском. Легко ли их научить литературному даргинскому языку, если они не знают или плохо владеют своим диалектным языком?!!

Все знают ,что мама -самое дорогое слово на свете. Но родной язык-- язык матери--постепенно забывают даже в своей семье. Обидно за такое отношение к материнскому языку.

Но все-таки, как бы там ни было, надо изучить. Немало и таких родителей ,которые говорят: «Зачем изучать этот язык? В учебных заведениях ведь не встречается, лишняя нагрузка…» Вот с них и надо начинать! Я проводила с ними разъяснительную работу: беседы о значении родного языка, приводила разные примеры из жизни. Убедила!

А вот с детьми было еще труднее.

Конечно, в горных районах не так сложно, если дети разговаривают  на родном диалектном языке.

Какие приемы и методы использую для привития любви к родному языку?

1.Начни с себя. Учитель родного языка должен в совершенстве владеть родным литературным языком. Также должен знать и русский язык, и правила русского языка.  Правила родного в сравнении с правилами  русского языка усваиваются быстрее. Иногда ученик старшего звена может «проверить» его, задав какой-нибудь вопрос.

 

2.Учитель родного языка должен знать и дагестанскую, и русскую литературу.

 

3. Знать культуру и традиции народов Дагестана (своего края),старинные обычаи и обряды, знаменитые села и знаменитых личностей.

 

4. Любить свой край, гордиться своим краем, и это уметь передавать детям.

Учитель должен любить родной язык, разговаривать на родном языке нежно, с любовью, владеть чувством юмора.

При подготовке детей к олимпиадам многое приходится искать вне программы, учить писать сочинения, учить правильно выражать свои мысли. Поэтому на районных олимпиадах мои ученики занимают призовые места. В прошлом году моя ученица (Муртазалиева Р.) в республиканском конкурсе «Второе дыхание родным языкам» заняла призовое место.

На мой взгляд, учитель родного языка должен быть:

а) хорошим режиссером: знать, кому какую роль давать в сценках, разучивать с ним сценарии.

б) актером: «войти» в роль героя, уметь изображать улыбку, грусть, удивление и т.д.в),певцом: прививать любовь к национальным песням, разучивать с детьми.) г).психологом: иногда предугадывать их мысли; помочь в трудную минуту; похвалить, пожурить, если поленились, внушить веру в себя, вселить надежду на лучшее., понимать их душу.

Главная цель учителя  даргинского языка и литературы -  научить детей правильно, доступно, четко высказывать свои мысли, свободно общаться, правильно писать на своем родном языке. Я, например, работу свою начинаю со сбора нужного материала: в кабинете  даргинского языка и литературы накопила в нужном объеме карточки, сюжетные материалы, стихотворения, дидактические материалы, сборники вопросов для викторин и конкурсов.

Стараюсь применять различные формы работы на уроке.

1) Чтобы уроки были интересными, не напрягающими детей, я использую физкультурные минутки. Дети особенно любят физкультминутки в стихотворной форме -  «Мукеки- мукеки»

2) Составляем предложения  и небольшие тексты

3) Использую слайды  и  показываю мультфильмы на даргинском языке.

4) переводим предложения на русский язык и с русского на даргинский.

Используем на уроке журнал «Лачин(Соколенок)»,показываем рисунки

В деле  привития любви к родному языку играет важную роль и устное народное творчество. В нашей школе имеется музей старинных вещей и бытовой утвари. Имеются: сах, вазы, сосуды для масла ,ручные жернова ,глиняные  миска и кружка, «шайтан»-лампа, треуголка- для трепки шерсти ,веретено и т .д. Дети любят рассматривать их ,иногда наряжаются в бурку и каракулевую папаху. И в душе их рождается гордость, любовь к своей малой Родине, культуре и языку.

Хорошей традицией в школе стало ежегодно проводить праздник  «День Родных языков»

Там мы показываем различные шуточные сценки, дети поют песни на родном языке, танцуют. Сценки  проходят на высоком уровне, и все любят участвовать в них. И я ставлю условие: участвовать будут только те, кто учится без  «2»и «3»И все стараются получать хорошие отметки.

Правда,  раз я  нарушила это правило. В нашу школу поступил ученик, у которого родители скончались в автокатастрофе. Он был молчалив, относился ко всему как-то безразлично. И  я  дала ему роль козленка, несмотря на обилие желающих. Как засияло его лицо!

В этом году он стал победителем конкурса чтецов на  даргинском языке.

Иногда в начальных  классах , когда изучаем новое стихотворение, в конце урока я вполголоса пою  песню, подобрав несложную мелодию. И дети, читая по книге, подпевают . А к следующему уроку должны петь только те, кто выучили наизусть. И они стараются!

В прошлом году бабушка одного ученика призналась:

-Спасибо Вам! Мы за 6 лет ни одному слову даргинскому не смогли научить, а Вы за 1 год даже петь научили! И он так любит Вас!

И в конце я хочу отметить. Если из моих учеников хоть один станет учителем родного языка, певцом, актером, я буду знать ,что я свою работу выполнила с честью.

Красота дерева зависит от его корней. А национальные «корни»--это язык. Сохранение национальной культуры и  родного языка — священный долг каждого уважающего себя человека. Я верю, что не исчезнет родной язык!