ЗАЙХlЕЙКlИ ЦАЛРА МЕЗЛИ .

Наб лебил халкь бигахъис ,

Илдала мезанира ;

Далуйтира мяштlдирис ,

Масхурти - хlязанира .

Дила халаси улка

Гъайбикlар чумра мезли ,

Илди дахъал лерхlели

Уркlи бирцlур пахрули.

Аррукира ну нешли

Дуцlрум тах-шагьарлизи .

Илар лер хlеррирули

Дила ахlерси зизи .

Ну хlязтани риркьира

Зилантачил гьар мезла.

Масхуртира иргъира

Цала цали нушала  .

Амма дарган мезливан

Уркlи хlяйранбирули ,

Зайхlейкlи цалра мезли

Наб  дезни, я далуйти .