Х1еб дашар  Дагъистайзи

Булбулла далуйтачил ,

Чат1нала вич1ирличил,

Гулвавнала т1емличил.

   Х1ерк1ла дублаб шурличиб

   Ч!янк1би ицул рурсбачил,

   Разиси агих1яйзиб

   Жагьилтала х1язличил,

Х1улк1ули х1ербик1уси

Савлила берх1иличил,

Г1янруч1 хъябруцбашуси

Малх1ямси ц1уэрличил,

   Дунья миц1ирбируси

   «Бизи – рях1мат» забличил,

   Бацличи линк1дик1ути

   Зубартала лямц1личил,

Жагьти уршби-рурсбала

Диг1янти гьигьаначил,

Дяг1ла гьигьличи карц1ти

К1апрала лякьирличил.